《الشرطة استُهدفت كثير》.. السيسي يوجّه بإنتاج مسلسل عن 《أبطال رجال الداخلية》

قال الرئيس المصري عبد الفتاح السيسي، الإثنين 23 يناير/كانون الثاني 2023، إن جهاز الشرطة تم استهدافه بمحاولات عديدة آخرها منذ 10 سنوات، بهدف هدم هذا الجناح والاستيلاء على الدولة، في إشارة إلى ثورة 25 يناير/كانون الثاني عام 2011، موجهاً بضرورة إنتاج مسلسل عن الأبطال المصريين من رجال الداخلية الذين ضحوا في سبيل كرامة المصريين والحفاظ على الشعب المصري.

 

وخلال مشاركته في احتفالية عيد الشرطة الـ71، والمقامة في أكاديمية الشرطة المصرية، قال السيسي: "كان فيه محاولات كبيرة اتعملت خلال السنين اللى فاتت، وكان آخرها من 10 سنين أو أكتر.. الهدم كان هدفه حاجة واحدة أن الجناح ده ميبقاش موجود علشان البلد تتاخد.. هو كده للى عاوز يعرف.. نكسر الشرطة ليه؟ علشان ناخد البلد.. نكسر الجيش ليه؟ علشان ناخد البلد أو نضيعها".

 

 

وتابع السيسي: "أتصور إننا محتاجين نطلع الشخصيات دي حتى لو مسلسل 5 حلقات والدراما تشتغل فيها بالصورة اللي احنا محتاجين، مش نحسنها، لا، نحافظ على حسنها"، بحسب وسائل إعلام مصرية.

 

 

جاء ذلك بعد عرض "بانر" يحمل أسماء عدد من أبطال الداخلية الذين ضحوا بأنفسهم لأجل مصر، ومن بينهم: الشهيد البطل أحمد عشماوي، والشهيد البطل محمد لطفي، والبطل طارق عبد الوهاب.

 

وحول الأزمة الاقتصادية، قال السيسي إن تحقيق الآمال يتطلب جهداً وصبراً وقوة تحمّل أو بكلمات أخرى، يتطلب روح التحدي المصرية الخالدة التي عبرت عنها.

 

السيسي أضاف: "ثقتي في الله، وفى شعب مصر مطلقة بأننا سنعبر، ونتجاوز الأزمة الاقتصادية العالمية وآثارها علينا، بالعمل المخلص، والجهد الذي لا ينقطع، والإيمان بأن الله "لا يضيع أجر من أحسن عملاً"، وأننا قادرون على بناء وطن، يحقق آمالنا في الحياة الكريمة، والتقدم والازدهار.

 

 

وأكد الرئيس المصري أن الدولة المصرية جزء من الاقتصاد العالمي، متابعا: "إحنا جزء من الاقتصاد العالمي.. هو انتو مش بتسمعوا في الأخبار، سواء جورنال أو في التليفزيون إنه فيه اقتصادات كبيرة بتعاني وتتأثر.. ومش هذكر أسماء.. وفيه دولة كبيرة معرضة أنها مش تدفع الدين الحكومي بتاعها.. مش بتسمعوا ده.. ده حاجة".

 

وواصل السيسي حديثه: "مؤسسات التمويل الدولية.. صندوق النقد الدولي.. وتداعيات الأزمة العالمية تؤثر على الاقتصاد العالمي.. بقول الكلام ده.. ماشيين في طريقنا.. وصامدين.. إحنا جزء من الدنيا ومش منفصلين عنها".

 

واستكمل: "شوفوا اللي بيتكلموا.. اللي عندهم الظروف دي في دول جنب مننا.. وبعضهم من 20 و30 سنة ومش يتجاوزها حتى الآن.. مش هقول أسماء دول.. ومش طبيعتنا نزعل أو نسيء.. بقالهم 20 سنة.. طب انت إزاي خلصت إزاي.. تقفوا وتفكروا إزاي ده حصل.. بالله.. بالله.. بالله".

 

 

كما أضاف الرئيس السيسي أن الكهرباء والغاز قد كلفتا الدولة أموالاً طائلة، للعمل على تطوير هذه الخدمات، مشيراً إلى أن تطورات المشهد الدولي مثل أزمة كورونا والأزمة الروسية الأوكرانية انعكست على العالم.

 

 

وأوضح أن هناك توجيهات مستمرة للحكومة بتحمل الجزء الأكبر من الأزمة للتخفيف عن المواطن، مضيفاً: أننا نلتزم بمساندة كل المصريين لمواجهة الأزمة الاقتصادية العالمية